Shiksha Na Ruke.

Uchhal kood aur dhama chaukdi jao kahin na bhul
Baste kandhe pe taanglo phir se bula raha school
Copy pustak jaane kab se chaat rahe the dhool
Jhaad ponchh ke sajaa lo phir se bula raha school
Badhte jao tum kal ki seedhiyaan chadhte jao tum
Padhte jao tum kal ki seedhiyaan chadhte jao tum

Khatam ho chuki saari chhutiyaan slate pattiyan le aao
Suraj ke sang jaago phir se naya paath ik dohraao
Mil baith ab saath mein ek dooje ka dibba khaao
Naam kamao itna sabke seene jaayein phool
Baste kandhe pe taanglo phir se bula raha school
Badhte jaayein hum kal ki seedhiyaan chadhte jaayein hum
Padhte jaayein hum kal ki seedhiyaan chadhte jaayein hum