Maa.

Besan ke saundhi roti par khatti chatni jaisi maa
Yaad ati hai chauka baasan chimta fukni jaisi maa

Baan ki khurri khaat ke upar
har ahat par kaan dhare
Adhi soi adhi jaagi thaki dopahari jaisi maa

Chidiyon ki chahakaar men gunje kabhi mohammad kabhi ali
Murge ki awaaz se khulti ghar ki kundi jaisi maan

Biwi beti bahan padosan thodi thodi si sab men
Din bhar ik rassi ke upar chalati natani jaisi maan

Baant le apana chenra maatha ankhen jaane kahaan gayi
Phate puraane ek Album mein chanchal ladki jaisi maa